اعاني من الابتزاز

السلام عليكم
امم الصراحه مو عارفه كيف ابدا بس انو حابه احكي قصتي وابى احد يساعدني
لانو بجد خلاص مو لاقيه احد اقوله خصوصا انو موضوعي حساس بالمره
الصراحه قبل فتره تعرفت على شاب وكانت مدة بسيطه معرفتنا لبعض
بعدين افترقنا وانهينا اللي بينا وقبل تقريبا شهر هو دق عليا الصراحه انا
ما قدرت افتكره المهم تكلمنا وكدا فهو طلع ولد جيراننا انا الصراحه انفجعت
وعارف عني كل شي اسمي ووين ادرس انا بتالت ثانوي وخايفه الصراحه انو يعملي
مشاكل هدي اخر سنة وابى اركز بدراستي بس هو قاعد يقولي يبى يشوفني بس انا
ماقدر فقاعد دحين يهددني يقولي يا تطلعي معايا يا انا اعملك مشاكل ويقولي
انا في عندي صورة اباكي تشوفيها حاحطها عند باب بيتكم انا خايفا انو يكون
مخترق جهازي وسارق صورة ليا وبيهددني واليوم دق عليا وقالي انو كتببلي
ورقة وفيها كلام ومحطوطه على سيارة بابا يعني قاعد يستفزني ويبتزني عشان
اطلع معاه مع اني ما شفت لا ورقة ولا شي
هدي قصتي وعلما اني ما طلعت معاه ابدا وعلاقتي بيه سطحيه ويشهد عليا ربي
اني ندمانه اشد الندم بليز ساعدوني مو عارفه ادق على رقم الابتزاز حق
الهيئة وهم يتصرفون معاه ولا كيف لانو والله مره حالتي سيئة صايره لدرجة
بس اسرح وحتى كان بيغمى عليا بس الله ستر
اتمنى تساعدوني وبليز لحد يجي يقول تستاهلي انتي اللي رضيتي كانت لحظه خطا
وغفله و الشيطان زين لي الفكره بعقلي وكل بني آدم خطاؤن وخير الخطاؤن
التوابون
بس ابيكم تنصحوني دحين اش اسوي مابى اتسرع واندم بعدين "
وشكرا مقدما
وادعولي الله يهونها عليا ويرد كيده بنحره